គ្រួ និងសិស្សនៅសាលា TVET អំពាវនាវឲ្សយុវជនចូលរៀនជំនាញបចរកទេដឲ្យបានច្រើនខណៈ រៀនចប់មានការងារគ្រប់គ្នា និងប្រាក់ចំណូល”

កណ្ដាល៖ សូមមាតាបិតា អាណាព្យាបាល និងអ្នកពាក់ព័ន្ធនានាទាំង ជំរុញកូនចៅ ឬយុវជនឱ្យមកចុះឈ្មោះចូលរៀនក្នុង កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស នៅតាមគ្រឹះស្ថានបណ្តុះបណ្តាលបច្ចេកទេស និងវិជ្ជាជីវៈ ដែលនៅជិតលំនៅដ្ឋានដែលបងប្អូនពលរដ្ឋកំពុងរស់នៅ ដើម្បីចាប់យកជំនាញវិជ្ជាជីវៈសម្រាប់អនាគតរបស់ពួកគាត់ នេះជាការអំពាវនាវរបស់ឯកឧត្តម នុតពុធ ដារ៉ា អភិបាលរងខេត្តកណ្ដាល ក្នុងទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ “TVET ផ្តល់ជំនាញ ការងារ និងប្រាក់ចំណូល” នៅព្រឹកថ្ងៃទី១៥ ខែមិថុនា ឆ្នាំ២០២៦ ដែលប្រារព្ធធ្វើនៅវិទ្យាស្ថានជាតិពហុបច្ចេកទេសតេជោសែន ស្ថិតក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល។

ឯកឧត្តមបានបន្តទៀតថា៖  រាជរដ្ឋាភិបាលក្នុងនីតិកាលទី៧ នៃរដ្ឋសភា រាជរដ្ឋាភិបាលកម្ពុជាដឹកនាំដោយសម្តេចមហាបវរធិ បតី ហ៊ុន ម៉ាណែត បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ដែលបានកំណត់យកអាទិភាពគន្លឹះ៥ ដោយបន្ថែមបច្ចេកវិទ្យា និងបន្តយកមនុស្ស ជាអាទិភាពទី១ ហើយ ផ្លូវ ទឹក ភ្លើង និងបច្ចេកវិទ្យា គឺជាអាទិភាពបន្តបន្ទាប់តាមលំដាប់ អាទិភាព “មនុស្ស” ត្រូវបានឆ្លុះបញ្ចាំងជាចម្បងក្នុងបញ្ចកោណទី១ “ការអភិវឌ្ឍមូលធនមនុស្ស” ក្នុងនោះ “ការបណ្តុះបណ្តាល ជំនាញបច្ចេកទេស” គឺជារបៀបវារៈ និងជាគោលដៅចម្បងបំផុតមួយ ដោយបានកំណត់យ៉ាងច្បាស់ក្នុងមុំទី២ នៃ បញ្ចកោណទី១ លើសពីនេះ រាជរដ្ឋាភិបាល ក៏បានដាក់ចេញនូវកម្មវិធីគោលនយោបាយអាទិភាព “ការបណ្តុះ បណ្តាលជំនាញវិជ្ជាជីវៈ និងបច្ចេកទេស ជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូ ទាំងប្រទេស ដែលមានចំនួនប្រមាណ ១,៥លាននាក់ នៅតាមបណ្តាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈនានា ក្នុងកម្រិតសញ្ញាបត្របច្ចេកទេស និងវិជ្ជាជីវៈ១ ដោយមិនបង់ថ្លៃសិក្សា និងទទួលបាននូវប្រាក់ ឧបត្ថម្ភប្រចាំខែ” ២៨ម៉ឺនរៀលក្នុង១ខែ រយះពេល ៤ខែ ដែលនឹងផ្តល់ឳកាសសប្រាប់យុវជនទូទៅ ជាពិសេសប្អូ នៗក្នុងខេត្តកណ្តាល។

ឯកឧត្តមអភិបាលរងខេត្ត ក៏បានបញ្ជាក់បន្ថែមថា៖ ការអប់រំបណ្តុះបណ្តាលបច្ចេកទេស និងវិជ្ជាជីវៈ គឺជាស្ពានចម្លងទន់ភ្លន់ មានភាពបត់បែនស្របតាម ស្ថានភាពជាក់ស្តែងរបស់ប្រជាពលរដ្ឋក្នុងទម្រង់ជារយៈពេលខ្លី និងរយៈពេលវែង ទាំងក្នុងប្រព័ន្ធ និងក្រៅប្រព័ន្ធ ហើយអាចធ្វើឡើងនៅតាមគ្រឹះស្ថានសិក្សា សហគ្រាស សហគមន៍ និងដោយចល័ត ដែលមានប្រសិទ្ធភាព ឆាប់រហ័សឆ្ពោះទៅរកការងារ និងជាផ្លូវដែលអាចបន្តការសិក្សាបានស្របពេលដែលអាចបំពេញការងារបានក្នុង ពេលជាមួយគ្នា ដើម្បីស្វែងរកចំណូលចូលរួមចំណែកក្នុងការគាំទ្រសេដ្ឋកិច្ចគ្រួសារបាន ឬ អាចបន្តការសិក្សាទៅ កម្រិតខ្ពស់បន្តបន្ទាប់បានក្រោយពីផ្អាកមួយរយៈដើម្បីបំពេញការងារ ហើយការអប់រំបណ្តុះបណ្តាលបច្ចេកទេស និង វិជ្ជាជីវៈ គឺជាឧបករណ៍ក្នុងការប្រែក្លាយកម្លាំងពលកម្មកម្ពុជា ជាអ្នកជំនាញ អ្នកបច្ចេកទេស និងជាមូលធន មនុស្ស ដែលគាំទ្រដល់ការកាត់បន្ថយនិកម្មភាព ភាពក្រីក្រ និងការធ្វើទំនើបកម្មរចនាសម្ព័ន្ធឧស្សាហកម្មនៅ កម្ពុជា ពីឧស្សាហកម្មអតិពលកម្មឈានទៅឧស្សាហកម្មផ្អែកលើជំនាញ លើកកម្ពស់កម្រិតជីវភាពប្រជាជនឱ្យ កាន់តែប្រសើរ និងជំរុញកំណើនសេដ្ឋកិច្ចជាតិ ក្នុងការចូលរួមសម្រេចឱ្យបាននូវចក្ខុវិស័យរបស់រាជរដ្ឋាភិបាល កម្ពុជាជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានប្រាក់ចំណូលខ្ពស់នៅឆ្នាំ ២០៥០ ។

លោក ច្រឹង ណារី នាយកវិទ្យាស្ថានពហុបច្ចេកទេសតេជោសែន បានអោយដឹងថា៖  វិទ្យាស្ថានមានបណ្តុះបណ្ដាលលើកម្រិត៖

១. បរិញ្ញាបត្របច្ចេកវិទ្យា

២. កម្រិតសញ្ញាបត្រជាន់ខ្ពស់បច្ចេកទេស

៣. កម្រិតសញ្ញាបត្របច្ចេកទេស និងវិជ្ជាជីវៈ១ (១.៥លាន).២.៣

៤. កម្រិតវិញ្ញាបនបត្រវិជ្ជាជីវៈ (វគ្គខ្លីៗ) និងបណ្តុះបណ្ដាលជំនាញរួមមាន៖  តបណ្ដាញអគ្គិសនី.ព័ត៌មានវិទ្យា.ជួសជុល និងថែទាំរថយន្ត.គ្រប់គ្រងអាជីវកម្ម.ភាសាអង់គ្លេស.ទូចក្រ ក្រយានយន្ត.ផ្សារដែក.សេវាកម្មបរិក្ខារម៉ាស៊ីនត្រជាក់.វិស័យឧស្សាហកម្ម.សំណង់ស៊ីវិល.ពហុព្យាបាល.កែច្នៃបន្លែផ្លែឈើ.ជួសជុលម៉ាស៊ីនតូចធំ.និងសេវាកម្មកុំព្យូទ័រ៕