ព្រះអង្គម្ចាស់ នរោត្តម ចក្រាវុធ យាងគោរពវិញ្ញាណក្ខន្ធ ព្រឹន្ទបាលទោ រិន វាសនា យោធិនពលី នៅសមរភូមិជួរមុខ

ព្រឹកថ្ងៃទី០២ ខែសីហា ឆ្នាំ២០២៥ ព្រះអង្គម្ចាស់ នរោត្តម ចក្រាវុធ យាងគោរពវិញ្ញាណក្ខន្ធ ព្រឹន្ទបាលទោ វាសនា យោធិនពលី ក្នុងបុព្វហេតុការពារ ដែនអធិបតេយ្យ បូរណភាព ទឹកដីកម្ពុជា នៅសមរភូមិទិសមុំបី នាពេលកន្លងទៅ ។
ក្នុងវេលាដ៏សោកសង្រែងនេះ ព្រះអង្គម្ចាស់ នរោត្តម ចក្រាវុធ បានសម្តែងព្រះ​ហឬទ័យ សោកស្តាយឥតឧបមា និងចូលរួម មរណទុក្ខក្រៀមក្រំ ជាមួយក្រុម​គ្រួសារ​នៃសព ព្រមទាំងនាយទាហាន និងពលទាហាន​ទាំងអស់នៃកងយោធពល​ខេមរភូមិន្ទ និងសូមឧទ្ទិស ដល់វិញ្ញានក្ខន្ធរបស់លោក កាន់យកក្នុងសុគតិភព​កុំបីឃ្លៀងឃ្លាតឡើយ ។